回憶總是美好的

經過昨天的辛苦, 完全明白一個人帶者3隻小魔怪出街是非常的心力交瘁。我亦完全體會姐姐的辛勞, 母愛真是非常偉大! 我期待星期四快d來臨!!

今早要打兩個很重要的電話…

1) 打俾細佬, 叫佢記得咁上下出門學琴, 再提佢叫爺爺整野食比哥哥

2) 中午再打俾哥哥, 叫佢記我出門學跆拳道, 自備水樽, 叫佢話俾爺爺知下午2時回家

原本做時下媽媽咁辛苦, 個腦要記咁多野…

昨晚, 我就收拾細軟, 去我姐姐度, 搞掂晒d野, 出到去都成11:30pm, 跟住要默書, 呀唔係, 係抄低佢地(大哥及二哥)每天做的事情, 最痛苦, 莫過於星期一至三要6:50am起身, 服侍佢地穿校服, 吃早餐, 準時出門乘校巴等等…, 跟住, 仲要學開洗奶瓶機, 開洗衣機, d衣服鞋襪及其他日常用品放在哪裡等…

雖然我對佢地時間不多, (因佢地爺爺會來住, 照顧他們), 但突然間, 覺得自己好似賓賓 

其實每天都不大願意起床, 可能是太凍關係。電話鬧鐘一嚮, 我就會立即起身, 因為一來會嘈住家姐(如果佢返下午), 二來小白就會蹲在我房門咪咪叫。有時未戴con, 已經要俾野佢吃, 可能佢真是太肚餓啦!

每天, 如常行去地鐵站, 一路行, 都會見到d好可愛的幼稚園學生, 大多數都是菲律賓工人拖住。有d已經認得, 通常街頭唔見, 街尾都會見, 好似每日見下先安心。掂解我家姐的無咁可愛既…

想了很久, 真的不知怎樣去寫這一篇文章, 但現在已進入倒數階段, 在我還是完無缺時寫下這篇, 讓有關人仕看到後, 會懂得怎樣做。

話說有一天, 我收到姐姐YM 的message, 說會和老公去泰國玩, 基本上當然唔關我事啦, 可恨的事, 我姐姐主責是take care 她的三個 (隻)小魔怪, 生存在人間是只是最多8年 (hey! 我冇講錯嗎?), 最少都只是兩年幾, 她說要我幫忙照顧呢三個小…朋友, 唔…就好像一個手無寸鐵的小女子大戰3個精靈一樣, 一定會心力交瘁…雖然她的女麻女麻會幫忙, 但佢地一定會對我….

姐姐家和我工作地點相隔不遠, 亦即是說我一放工, 就要去她家, 服侍阿妹沖涼去廁所兼一齊訓…大0個兩個就要看功課…雖然考完試會輕鬆點, 但…有點害怕呀, 成4-5日喎…

我都有個細 (小白)要照顧, 若果佢見唔到我咁多日, 一定瘦幾磅啦!

我會每天都記下當日發生什麼事, 好有一個証據…喂! 當事人, 你會有什麼表示先???

自從上兩個星期, 我公司的一位女同事無拿拿係自己個位度跌倒後 (最後經昂貴醫生診斷後, 得出2個原因, 第一是她的膝蓋受過傷, 加上鈣一路流失, 所以佢話成日聽到膝蓋有”巴巴”聲, 第二是…醫生話佢過重幾十磅。

聽完佢咁講, 都有d驚, 有時我都聽到膝蓋啦、手臂啦有”巴巴”聲…唔, 都係快d飲多d奶或豆奶補充下先, 如果唔係, 係條街度跌倒咁掂算呢。

而家飲緊係芒果木瓜奶, 嘩, 好飲呀!

昨天, 有兩個替我公司整電腦的人來, 在我阿head間房傾左一陣, 然後就去server整野, 對於一個對電腦server不懂得的人來說, 當然不知他們做什麼, 但不久, 我就明白一切了。

我阿head竟然叫佢地set左個firewall落個server, 搞到我地好多website都唔入得, 首當其衝就是public email 既websites (i.e. yahoo, sina or hotmail…), 又開唔到MSN, ICQ & YM, 但佢地又可繼續用, 言下之意, 即是叫我地不可在公司check私人email, 玩icq, MSN or YM囉…! 我的天!!!

不過, 昨天佢地走後, 個internet及公司email就開始有一點問題。重災日子是今日, 因為當中有幾位同事(包括我在內), 公司email收發唔到, 上唔到網, 連公司個system都入唔到, 即是…唔駛做野, 幸好自己有個color print,否則真是坐左係到。到左下午成3點, 佢地先來整機, 整完都差不多4點…浪費時間呀, 最幣我要在2個小時內要做返一天工作…真有d激氣, 我阿head又係度扮唔知發生什麼事…唔…掂解會咁架…