隨心 2005年12月31日
終於, 我鼓起左最大既勇氣, 約你(相簿)出黎…揀翻d靚相post出來分享一下先…
由於是用scanner scan d hard copy, 因此d顏色不像真, 請不要見怪…
最上一幅是以弗所, 下面兩幅是奇石林
上面兩幅是以弗所, 最下一幅是奇石林
白雪雪的棉花堡 (但個地很硬架)
唔駛多講, 係埃及, 右邊是埃及博物館
希臘
上面是米奇洛島, 下面是巴特農神殿
米奇洛小島
(0)呢幾日係咁同d網友講留言板, 用到好似icq, 搞笑, 好在呢排d鬼佬仲放緊假, 不是太多野做。
今日講開原來有d係有影開相…唔, 我都講話會post d相, 但由於有一d幾年前去旅行d相是晒出來, 不知怎樣post出來會好d呢? 睇下之前去旅行d相, 原來發現今年係冇去旅行, 唔怪之得好似仲欠一d野…
睇翻d相, 都幾搞笑, 去土希埃時d相, 雖然行程很辛苦, 又凍, 但就最深刻, 因為咁大個女都未試過坐10幾個鐘頭飛機, 又成日兩、三點要乘內陸機…仲要係凍到係衫都穿晒上身, 很想笑, 有機會將d相upload上來, 大家一齊睇。
去年就去左北京, 係一個好大既城市, d北京既國語很捲利, 很難聽得懂。最辛苦當然是上長城, 又係咁大個女都未試過上成千級樓梯(慕田峪關), 落黎時腳都震, 仲俾同伴笑, 下面有一d相, 俾大家睇下…
故宮建築物頂部
北京火車站
慕田峪關
慕田峪關
當地基督教會
雲海呀, 靚!
寵物 2005年12月29日
我養左小白已經3年多啦, 由一隻得手掌一般大養到佢而家咁大隻, 我的功勞真不少啊!
講開佢, 真是有D怪脾氣架, 好似d玩具咁, 佢唔會隨便玩一個新玩具, 但當佢一喜歡, 就算玩具差不多爛, 佢都當係寶, 有圖為証架!
小白: 我的心愛玩具, 邊個都唔准搶
你睇佢望到幾金晶火眼
呢支玩具已經俾佢咬到體無完膚, 但小白仍然對佢很專一
宗教 2005年12月27日
其實由星期四己開始病, 但我輕看之下, d病菌就乘虛而入, 令到我一連三天假都沒有什麼節目, 最主要是因為太累了, 是藥的關係嗎???
就算幾咁辛苦, 昨天我都八點幾就返到教會, 因為第四個星期是聖餐禮, 詩班是會獻詩的, 雖然我唱唔到 (因為已病到失聲), 早一點去到, 可以打下氣。崇拜中段, d藥開始發作, 搞到我不能專心聽牧師講道, 個人又很累呀…
下午, 仲有一個重要約會…就是我的一位朋友受浸, 聽到佢話受浸, 真的很高興, 雖然大家不是同一個宗派, 但都是主內姊妹, 感覺不同了。
她就是其中一位受浸~我的朋友呢!
城浸都算是一間大教會, 昨天就有130多位受浸, 真的很多人呀, 由於實在太多人, 因此受浸過程是很快, 亦避免浸太久會冷病呢! 有自己朋友受浸, 就是是多嚴重, 行得出門口, 我都會去, 因為實在是一個大喜消息。我都希望有更多人相信主耶穌, 聖誕節就是慶祝他出生呀。
同場還有兒童詩班的唱詩時間
一班小朋友, 真的很可愛
隨心 2005年12月24日
經過五天地獄式操勞後, 真的病倒了。其實星期三晚喉嚨已不適, 星期四就開始唔舒服, 而昨天沒有好轉, 返左2個幾鐘頭工都要請病假看醫生。倒楣的是…我睇開個醫生唔見左, 正確來說是轉了一間牙醫診所。0下, 臨急臨忙要搵第二個醫生。新的一位醫生真的快, 前後看左不夠3分鐘就可以開藥我吃??? 吃了藥, 都不是立刻睡得到, 眼光光等左好耐才訓到。
傷風感冒於我來說只是用多幾包紙巾, 睡下就可以, 最痛苦係喉嚨發炎, 而家我講多一陣都會聲沙, 連聽電話都有d困難。要趁放假快d養好病, 乖乖的留在家, 什麼地方都唔好去了, 免得自己未有充分休息, 又會傳染給人。
隨心 2005年12月21日
前天晚上, 收到一個不太好消息, 哥哥來電說: 「若你有時間, 看一下大舅父, 他因工業意外入了醫院。」詳情就未有交代, 但聽到呢d說話, 心都涼了一半。但礙於是照顧小朋友, 根本不能去探他。
昨天, 我打電話給媽媽問詳情, 知道原來大舅父在三個貨櫃咁高地方跌左落地, 現在仍昏迷, 頭部有瘀血。事發是星期日。醫生說最好就是 24小時內甦醒, 但已過了咁耐都未醒…
於是, 我又做起聯絡工作, 通知其他家人, 並略說情況。我大姐姐是一位資深護士, 一聽到後就從醫學角度去預測會怎樣發展, 對我地就可以咁講, 但千其唔好係媽咪面前講, 始終是自己阿哥, 就算知道情況唔樂觀, 都唔想聽到呢d野…唉, 希望大舅父會無事啦。
隨心 2005年12月20日
唔知係唔係昨晚訓得唔好 or少 (訓四個半鐘度), 今朝又早起, lunch完小睡一會, 有d頭暈及頭痛tim…
