回憶總是美好的

仲諗住發奮多點練琴, 點知會練到手臂痛。呢d感覺, 通常係就快考試才會出現, 因為狂練考試歌及scales, 而現在, 又不是考試, 我每天都只是練左約2個鐘, 不算多, 之前練3個鐘都無咁痛, 莫非…是身體差左? 但我呢兩個星期真是很累, 星期日又不能遲起床…都是早點睡, 最好就係有人幫我按摩就好囉。前者就可以, 後者就想下好了。

自從完成整個門訓課程, 不用再上課, 基本上除了每星期一天學琴及學笛外, 其他時間就會用來練琴及練笛。當然, 練笛時間每天不會超過一個小時, 因為已經無晒氣啦, 所以. 練琴的時間就比較長, 我會覺得每天如果可以練到 3個小時就更好, 但現時我每天我只可練2個小時, 因為一個小時練笛, 練晒都差不多11時, 不可以再練, 如果我有間間音房間就好啦, 幾時練、練幾耐都不怕嘈到人…

雖然每天都很忙, 但我都會看天早上靈修及看宗教書籍, 現時看緊的是”使徙行傳析讀”, 是一本很好看的書, 不沈悶架!

今晚是門訓第一屆聯合畢業典禮, 我們一班畢業的及一班將會開班的弟兄姊妹一齊到錦江紀念禮拜堂進行畢業禮, 嘩! 不知多開心, 因為見證自己這34個星期每天都研習聖經, 又可給準學員一個好見證, 很感恩。今晚是給嘉許狀, 到12月4日就會由母堂頒証書, 很開心呀! 讀完紅色門訓, 並不等於結束, 而是一個新開始, 我亦要加把勁, 努力去發揮自己的恩賜。

我想講既彼得, 當然是耶穌的十二個門徙彼得啦! 而家看緊的靈修書, 是用人物來做的, 我選了彼得來做，選他, 起初不是因此欣賞他 (因為他三次不認主), 但再看多點新約聖經, 就覺得彼得是人個十分有血有肉的門徙, 亦不會掩飾自己, 你可以話佢有時比較率直衝動, 但他對耶穌的一片忠心都記載在聖經上。其實, 看彼得, 就好似看自己一樣, 有時對主信心不大; 有時別人對基督教有挑戰時, 會很心急駁回所有論點, 可能這上就是別人對基督教不明白的地方, 這個情況, 令我想起彼得削去差役 (捉拿耶穌的一班人之中)的耳朵。

現在, 已經由不大欣賞去到真正認識這一位前輩, 經歷了咁大的轉變, 最終成為上帝的器皿。 希望自己都成為上帝有用的器皿。

剛練完笛, 唉, 原來未吃飽千其唔好練笛, 雖知練笛要用很多氣, 支笛又有重量, 現在好鬼肚餓。咁夜都未吃飯是因為學完琴已差不多九點, 回到家就快十點, 仲唔練就無得練啦今日 (雖知我是一個守法的市民, 不會11點後再發出咁大聲浪), 而家等緊個杯麵快點熟就可以吃啦, 哈哈!!!

近期在網上無聊找些東西看,找下找下,見都原來都有好多香港人學Saxophone, 諗諗下, 其實我曾經都是被Saxophone的音色迷倒, 因為很久以前, 我買過一隻Kenny G 的CD, 0個首Going Home不知聽了多少次呢。但原來Saxophone是有分幾種, 外型亦不算有太大分別。網友話好易學, 但一支Saxophone比長笛貴兩至三倍, 怎可以話學就學呢, 況且, 我已學緊兩種樂器, 根本無時間啦! 唯有…聽人地吹囉, 都是一種好享受。

昨天是母堂 (中華基督教會全完堂) 100週年感恩崇拜, 我地3堂 (母堂、青衣全完堂及葵涌全完堂)一齊有一個感恩崇拜, 係人都知道一定很多人, 於是, 各教友都很早去到教會, 有些仲早成2個鐘頭去到, 真的很誇張。我地青衣堂的教友10點多就到左 (11點開始崇拜), 都只係坐閣樓, 禮堂係沒有空位坐。

成個過程都很順利, 就和平常的崇拜差不多, 只是人多點, 又有成13個牧師 (除自己3堂牧師, 其他是區會牧師, 因為有按立執事, 要有更多牧者幫忙按手)。走的時候, 每人亦有一本百週年紀念特刊及一隻杯做紀念, 本紀念特印製得很精美, 又可回顧教會的歷史, 是值得保存及收藏。

晚上更有感恩聚餐, 開了共 71圍, 人數之多, 應是歷年之冠了。昨晚, 我地後生就表演唱歌, 年長一些, 更大唱山歌, 真是大開眼界。一連串的百週年活動就以昨晚為結束, 但並不代表我地對上帝回應就此停止, 因為我地見證上帝對我地不變的愛, 我們應該像昨晚常提起的四個字 ~ 薪火相傳, 讓更多的人認識上帝的福音為目標。