回憶總是美好的

昨天去了髮型屋, 用了三個小時電了一個長卷髮。很久也沒有電頭髮了, 而自己的長直頭髮都留很了很久, 實在要改變一下。

電完頭髮, 都幾好看, 但今早自己打理時, 效果都不如髮型師好看, 亦有點不習慣…每天, 要早十分鐘起床呀…

近年到這個節日, 成條街都會變得很熱鬧。以前通常只有外國人很投入這個節日, 但現在就連幼稚園的小朋友都會打扮得很鬼馬。今早行去MTR, 就已見到一些幼稚園的小朋有穿了鬼怪裝, 有些就披了長黑色有星星袍子, 頭上有一頂尖帽子, 有些仲搞笑, 只是帶著一個有兩個南瓜的頭 “cool”, 但小朋友不舒服, 還想除下來…見到這些場面, 真的是令人捧腹大笑, 令無”mood”的星期一添上一絲歡樂。

剛剛出完trip回來 (其實只是去了廣交會而已), 令我有深刻的體會。一來是大陸搞的展覽的確比香港靚, 而且booth又多, 簡直是行三日三夜都不會行完。二來, 是我更清楚明白自己未來去向, 希望在不久之後, 我會去一個更適合自己的工作崗位。三來, 是受盡太子爺及太子女的脾氣, 今次所受的氣, 應該等於平常時候約半年的氣一樣。我知自己都有面黑的時候, 試問一個連續兩日差不多每天行了8、9個鐘的人, 加上身體是比正常人差 (當然佢地不知我有病), 怎可能不會面黑呢! 其實我已很忍耐, 但我都只不過是打工, 不是賣身呀老闆!

明天, 我會忘記晒呢三天所累積下來的怨氣及不滿, 因為呢d事唔值得令我唔開心咁耐!

唉…不本見到這個名字都會好開心, 但經過昨天之後, 我要改觀了…

事情是這樣的: 昨天中午和朋友(一行6位)去青衣城吃午飯, 因人太多, 於是去了這間Strawberry, 起初都沒有什麼, 但吃到一半, 個waitress放下一些食物時, 撞倒杯水, 剛好杯水是滿的, 我成條波褲及風衣都濕晒, 幸好是凍水不是熱水, 否則一定燙傷。另外, 我穿的是波褲, 是防水的, 穿的亦是波鞋, 不是涼鞋。但我並不感到d 工作人員的歉意, 亦不見到有其他工作人員協助…, 掂都要同我Say sorry啦, 這樣的服務態度真是要不得。我抹水時又不會馬上給我tissues, 我又要企係度等佢地抹去地上的水及換個張椅…唉, 相信有生之年, 我都不會再去這間店舖了…*>*。

今天又要出會展, 仲要是成日, 真是…不過由於我要學長笛, 於是我5點就走了, 我阿 head車我去旺角, 之後我就坐MTR去學的地方。

但今天非常不在狀態, 因為今天一早7點多就醒了, 掂知一伸懶腰, 突然隻右腳小腿很痛, 好似抽筋, 一模之下, 小腿後面的一塊肌肉緊晒, 於是我就叫自releax 啦! 一會就鬆後, 但成日就有d痛, 特別是右腳, 用力就痛, 都不知何解伸懶腰都會令腳抽筋…好彩今天出會展的同事不多, 有得坐, 不用企。

我細個時候, 由於細路多, 因此成日都會穿家姐的舊衣服 (非常少買新衫), 鬼叫自己是最小 (女兒), 當然, 連玩具都不會多一件， 可能是這樣, 自己並不喜歡毛公仔。反而而家人大了, 亦有賺錢能力, 有時想哄自己開心, 都只不過是買衫褲鞋襪, 名牌手袋,化妝品等等, 好少會買毛公仔送俾自己。今年年初, 我終於買左第一隻毛公仔 ~ Hello Kitty送俾自己, 就算是考到五級琴試的獎品 (但是去年考獲),

其實都是藉口, 因為我看了成個月才去買 (不是因為貴, 但不知什麼原因要看咁耐才買)。而現在, 九月生日,自己送俾自己禮物是Bear Bear 熊一小隻, 但我好喜歡, 因為摸它時很舒服呀, 令到我又好想買第二隻Bear Bear 熊呀! 但第一隻都未改名tim, 改什麼名好呢? 俾d意見呀唔該。 

昨天出完會展擺show, 之後我阿head約左個客完show後回公司meeting, 做到成9點才走得, 次次都係咁, 你就吃了杯麵打底, 佐我就要餓著肚子, 真激氣… 明天又要出去, 仲要我地OT (原本下午放假), 一點表示都沒有, 好嬲呀…