今日很凍呀, 整天都維持 12 -13 度…咁凍, 我選擇左今天不回媽媽家吃飯, 因為唔想搭車 (雖然只有10分鐘車程, 但唔計等車吃西北風時間…), 本來諗住吃個公仔麵就算, 但諗深一層, 明天沒有午飯吃啊…唉…於是就做左一樣我估近呢3個月都冇做到既事…就是自己做飯吃。

今天下了3″殼”米…a, 千其唔好以為我是飯桶 (但我的確很喜歡吃飯, 除非無胃口, 唔係每天午及晚飯冇飯吃就唔得) 。自看了高木直子小姐的一本書 ” 一個人住第5年”, 最大得著是學懂一次做多一點飯, 然後放在飯盒內, 放入雪柜, 到要吃時就只需要拿出來叮一叮, 做一些菜就okay…這個我當然會改良改良, 就是連”食送”都做多點, 咁每天上班前只需帶一個飯盒, 就不用每天苦惱地考慮吃什麼 (公司附近外買的差不全吃過了, 吃得多, 有點悶)。今次做了3個飯盒, 即是由星期一至三都不用叫外買, 真好。以方便快捷為原則, 當然3盒內涵都是一樣的, 不過有我愛吃的雞翼, 不打緊啦, 哈哈! 想起都想吃, 呵呵!

以下就是他們真面目, 但我未決定明天帶邊盒先呢? 雖然內涵一樣, 但由於盒子大小不同, 份量有一點差異…都係明天至算…


(我的飯盒1, 2 及3號)