今早回到公司, 開始工作不久, 已感到周身很累, 鼻子還流鼻水, 心知不妙, 立刻吃了2粒必利痛傷風丸, 才好一點。但下午吃完午飯, 睡了一會, 到開工時, 都不時打蓋睡, 雙眼是通紅…好可怕呢, 真係病啦今次。可能這幾天突然轉冷, 自己還是穿短衫短褲, 一時不慎, 今天回家都是要轉季了…唔想睇醫生呀!! 
(0)
隨心 2005年11月18日
原本在社會工作, 真的是令人學習很多待人處事的學問, 我稱之為學問, 因為不是人人都會學會, 反而處處碰釘。
而我, 作為一個基督徒, 挑戰更大, 因為我的信仰教導我很多人是不願意做的事, 學習愛你不喜歡的人就是一個好例子, 仲要為他們禱告, 對我來說真的不是容易的事。特別是在小型企業公司, 同事之間不是每每容易相處, 最令人頭痛是這家公司是家族生意 (一家四口都在公司打工), 有時很難服侍太子爺。我覺得我不憎他, 已是很好了(因時常要幫他善後), 亦是一個很大的進步, 但我知道這是不足, 我常常都為此而禱告, 求主加給我力量。
隨心 2005年11月10日
呢幾日都好累, 累到每逢下午就會打蓋睡, 今日就俾個同事見到, 真俾佢嚇一跳。
昨天是我其中一個外甥生日, 去了吃意粉屋, 我家姐一行5人, 都幾利害, 唔得罪得, 我…當然乖乖地請客啦, 仲使講咩, 不過, 見到佢地咁開心, 都okay啦! 之後仲一齊去佢屋企度吃蛋糕…真的飽死人囉!!! 但要買什麼禮物呢????? 仲記得佢細個時個樣, 同佢換片, 喂佢吃奶…而家…8歲啦, 想唔認老都唔得啦!!
隨心 2005年11月02日
同我一齊住的姐姐今日下午已乘火車到中國旅行, 我就只有得個恨字… 但我一點兒都不會感到寂寞, 因為平時她是返shift, 佢返早, 我都係晚上才見到她, 如果她返夜, 即是成日都不會見到她了, 因此這一年已習慣了, 雖然兩人同住, 但起碼有一半時間是得我自己的。可能以前讀書都住開宿舍, 已經很獨立, 不用人陪。現在就不同了, 我唔顧自己, 都要顧個細 ~ 小白~ 是我的小白貓咪呢!
隨心 2005年10月31日
昨天去了髮型屋, 用了三個小時電了一個長卷髮。很久也沒有電頭髮了, 而自己的長直頭髮都留很了很久, 實在要改變一下。
電完頭髮, 都幾好看, 但今早自己打理時, 效果都不如髮型師好看, 亦有點不習慣…每天, 要早十分鐘起床呀…
近年到這個節日, 成條街都會變得很熱鬧。以前通常只有外國人很投入這個節日, 但現在就連幼稚園的小朋友都會打扮得很鬼馬。今早行去MTR, 就已見到一些幼稚園的小朋有穿了鬼怪裝, 有些就披了長黑色有星星袍子, 頭上有一頂尖帽子, 有些仲搞笑, 只是帶著一個有兩個南瓜的頭 “cool”, 但小朋友不舒服, 還想除下來…見到這些場面, 真的是令人捧腹大笑, 令無”mood”的星期一添上一絲歡樂。
隨心 2005年10月28日
剛剛出完trip回來 (其實只是去了廣交會而已), 令我有深刻的體會。一來是大陸搞的展覽的確比香港靚, 而且booth又多, 簡直是行三日三夜都不會行完。二來, 是我更清楚明白自己未來去向, 希望在不久之後, 我會去一個更適合自己的工作崗位。三來, 是受盡太子爺及太子女的脾氣, 今次所受的氣, 應該等於平常時候約半年的氣一樣。我知自己都有面黑的時候, 試問一個連續兩日差不多每天行了8、9個鐘的人, 加上身體是比正常人差 (當然佢地不知我有病), 怎可能不會面黑呢! 其實我已很忍耐, 但我都只不過是打工, 不是賣身呀老闆!
明天, 我會忘記晒呢三天所累積下來的怨氣及不滿, 因為呢d事唔值得令我唔開心咁耐!
