隨心 2005年12月06日
今天一早起床, 真是很凍呢。戴con時, 隱約看到有一pack東西在台面, 原來是暖包, 其實我是知道有這一包東西在柜內, 但不知何解就是不會拿出來用。臨出門時, 都拆一包來用, 以示我知道你的心意…
(0)12月, 理應已是入冬一段時間, 但由於氣溫愈來愈暖, 上個星期我還穿短袖衫, 但一下子會轉凍得咁快, 真是少d應變都會很不適應香港天氣。
今天返媽媽家吃飯, 就快行到屋企樓下, 第一件事是要將外套拉鍊拉上, 因為實在太大風呢, 記得試過大風到連行一步路都傾左或右, 今晚都不是太利害, 但都得掩面, d風很凍呢。幸好穿了樽領衫, 否則一定凍病…
隨心 2005年12月03日
今早一起床, 好似有不對勁。洗頭才知什麼事 ~ 我頭暈, 因為洗洗下頭, 我個人會向了右傾, 就知道我是有d暈。而家係公司都你有d暈, 一陣放工要買d止暈藥吃。但我兩點幾要學笛, 今次吹完一家頭暈暈啦! 之後, 我仲約左朋友去吃Tea, 希望吃完不會暈啦! 
隨心 2005年12月02日
雖然不能去迪士尼, 但就休閒左大半日。
首先更是睡耐一點, 點知自己唔生性, 係都要7點幾就醒了, 仲要係清醒到去雪柜拿罐頭俾小白吃, 然後仲去埋廁所, 上返床, 都仲要等成大半個鐘, 背痛才減少到我可以忍受到再訓, 都係訓多一個小時啦, 唔多, 因為好似比以前更痛呀
9點幾醒了後, 上下網, 就差不多11點幾, 要出門了。約了家姐們到朗豪坊行街, 我都係第2次去呢度。最終係一間coffee shop坐下飲咖啡, 吃件餅, 休休閒閒坐左很耐才真是行下朗豪坊d鋪頭。對於要用錢買飾物等, 我才不會花, 亦無心機去看, 只是和阿妹玩下捉迷藏咁等佢地出來。之後去買左一d化妝品, 女仔都係化少少裝會好d, 費時成日比人話面青口唇白。但間鋪的sales好似不大友善…
之後成4點, 就去小肥羊吃野, 但都唔肚餓, 都係要打包。聽家姐說, 這樣原來是我們小時候成日來的酒家位置, 但我一d都唔發覺, 真的改變很大, 雖說我在旺角住了約8年有多, 但我成日都會迷路。記憶中, 細過時有次不知行左去邊, 給警察叔叔帶上警車, 但掂樣回到家, 又唔係記得好清楚…
追巴士時回家時, 不慎連阿妹的Hello Kitty男朋友帶埋走, 哈哈, 不好意思, 有機會會俾返阿欣的。
唉, 本來明天有得去Disney Land, 怎料殺出個 “程咬金” 搞到請左假但就冇得去, 雖然唔似d小朋友咁失望, 但都有點不開心, 冇拿拿請左一日假, 仲要係明天有成3個同department同事請假, 實俾大老細話, 一於唔理, 當休息都好, 呢排咁辛苦, 原來11月是沒有公眾假放, 怪不得啦!
隨心 2005年12月01日
d人話大肚婆才會轉食野口味, 最近我都成日轉口味, 不過我冇大肚。近日很喜歡飲烏龍茶, 是每天都飲, 而且呢個星期仲要飲一大支庄 (900ML), 真貴呀…
我很喜歡飲這款的!
話咁快就12月了, 本來想在今年年尾做好多野都做唔到, 好似找更好工作、找個一間平宜一點的屋、找個男朋友仔…冇野做到…有時是太累了, 根本不想拿起報紙看、找屋有時要看時機, 又得花時間及體力呀, 找男朋友仔…唉…永遠是你喜歡人, 人地唔喜歡你, 你不喜歡人, 人地又偏要喜歡你, 又或者是timing唔夾…一年將盡, 回顧過去, 好似有好多遺憾, 但將這些成為新一年的推動力呀, 出年, 我希望三樣都做到! 
12月啦!
