我的姐姐很乖, 趁放假就去買回一支小白玩具 (即是之前玩到爛晒的一款), 由於小白唔係好玩, 令到我不敢掉了舊的一支。
剛才, 牠鬼殺咁嘈, 於是一邊上網一邊同佢玩, 玩下玩下, 佢愈來愈精神, 仲不時做出一d跳躍動作 (實情係我好耐冇見佢咁大運動量), 當然, 我不會拍到牠的動作, 等我另一隻手得閒時啦…3分鐘後, 我就愈來愈累 (尤其是背部…可以坐姿不正確), 一個冷不防, 牠的利爪就爪到的的手…, 以前都試得多…真俾佢激死, 好在不是整到手指, 否則…哼!!! 都幾痛架, 仲見住佢留…我的手其實都好多傷痕, 多一條都冇所謂…不過係冬天整到, 好痛架麻…你個小白…
很痛呢, 馬上找膠布貼
a, 看到標題, 千其不要誤會, 係就係註左冊, 不過新娘不是我…是我外婆, 咁, 新郎一定是我外公啦。
剛才整理相片, 發現了這批相, 想起當日情景…很想笑, 但亦很感人。話說我外公外婆年紀加起來都有一百六十多歲, 而家才補辦註冊, 是因為要申請一些東西, 但又要證明他們是夫婦, 這時才知道他們沒有任何證明文件證明…我媽想了很久, 才去辦註冊事宜 (因為要辦一些手續, 感麻煩), 最後排了舊年四月份去註冊, 仲要我地去觀禮, 呢d咁開心的事, 請假去都要喇。程序中要他們各自宣誓…由於不識字, 要那個年輕的主婚人講一句, 佢地就跟住講一句…當佢地各自講到 “娶/嫁你時, 佢地都忍唔住笑…很好笑。
睇下呢d相, 佢地唔笑, 係表示佢地含蓄…但其實他們一齊已有60多年…都仲係一齊, 當中一定經歷好多風浪, 但而家都仍是一對, 很羨慕啊!
我阿婆幾靚
佢地手上的結婚証書唔知掂解會變左我keep, 好驚唔見…
昨天, 應承了媽媽去屯門探大舅父, 上一次因為自己重感冒, 而且佢係ICU, 當然唔去好過去啦, 怕我身上的病菌傳染給舅父就大件事。到今次, 一定要去探望一下。
等媽媽放工入去, 要轉三次車才去到醫院, 第一次去屯門醫院, 較殘舊, 但都算整潔。而我今次去, 大舅父已經出左ICU, 而轉去腦外科…一個好熟識的名字, 令我想起一些唔想再記起既事…入到病房, 見到他, 頭髮被刮去一大片, 而鼻上還插著轉送營養的流質食物, 媽媽叫我叫聲他, 我連忙脫下口罩叫他, 其實我不知他能否認出我呢, 因為他頸部還架上一個承託器, 而且不知是這個東西令他不能說話, 還是別的原因? 見他的手腳有郁動, 都算放下心頭大石。雖然, 已知道他需要一段很長的時間才會復完, 而且不會是像未受傷之前一樣健康, 但希望佢早日康復, 亦都希望他的家人不要太擔心, 特別是我媽媽, 因為她很多時都會去探望他, 始終路程不近, 真怕她會很勞累呢!
我們離開醫院, 下輕鐵後步行去酒家吃晚飯, 一邊行, 我一邊忍唔住笑, 笑係因為睇到什麼是”三個女人一個墟”的情況。話說今晚有我、我媽媽、阿姨及另一位疏堂阿姨, 她們一邊行, 一邊討論一位親戚結婚的事宜, 聽她們討論內容真係好搞笑, 呢d都講餐包, 真利害, 但我行在她們後面, 突然覺得好有滿足感, 不知何解呢, 或許見到媽媽她們講得咁投入, 很融洽, 因此而覺得很開心? 還是其他呢? 現在, 我真的不知道了…
終於, 我鼓起左最大既勇氣, 約你(相簿)出黎…揀翻d靚相post出來分享一下先…
由於是用scanner scan d hard copy, 因此d顏色不像真, 請不要見怪…
最上一幅是以弗所, 下面兩幅是奇石林
上面兩幅是以弗所, 最下一幅是奇石林
白雪雪的棉花堡 (但個地很硬架)
唔駛多講, 係埃及, 右邊是埃及博物館
希臘
上面是米奇洛島, 下面是巴特農神殿
米奇洛小島
呢幾日係咁同d網友講留言板, 用到好似icq, 搞笑, 好在呢排d鬼佬仲放緊假, 不是太多野做。
今日講開原來有d係有影開相…唔, 我都講話會post d相, 但由於有一d幾年前去旅行d相是晒出來, 不知怎樣post出來會好d呢? 睇下之前去旅行d相, 原來發現今年係冇去旅行, 唔怪之得好似仲欠一d野…
睇翻d相, 都幾搞笑, 去土希埃時d相, 雖然行程很辛苦, 又凍, 但就最深刻, 因為咁大個女都未試過坐10幾個鐘頭飛機, 又成日兩、三點要乘內陸機…仲要係凍到係衫都穿晒上身, 很想笑, 有機會將d相upload上來, 大家一齊睇。
去年就去左北京, 係一個好大既城市, d北京既國語很捲利, 很難聽得懂。最辛苦當然是上長城, 又係咁大個女都未試過上成千級樓梯(慕田峪關), 落黎時腳都震, 仲俾同伴笑, 下面有一d相, 俾大家睇下…
故宮建築物頂部
北京火車站
慕田峪關
慕田峪關
當地基督教會
雲海呀, 靚!
經過五天地獄式操勞後, 真的病倒了。其實星期三晚喉嚨已不適, 星期四就開始唔舒服, 而昨天沒有好轉, 返左2個幾鐘頭工都要請病假看醫生。倒楣的是…我睇開個醫生唔見左, 正確來說是轉了一間牙醫診所。0下, 臨急臨忙要搵第二個醫生。新的一位醫生真的快, 前後看左不夠3分鐘就可以開藥我吃??? 吃了藥, 都不是立刻睡得到, 眼光光等左好耐才訓到。
傷風感冒於我來說只是用多幾包紙巾, 睡下就可以, 最痛苦係喉嚨發炎, 而家我講多一陣都會聲沙, 連聽電話都有d困難。要趁放假快d養好病, 乖乖的留在家, 什麼地方都唔好去了, 免得自己未有充分休息, 又會傳染給人。
前天晚上, 收到一個不太好消息, 哥哥來電說: 「若你有時間, 看一下大舅父, 他因工業意外入了醫院。」詳情就未有交代, 但聽到呢d說話, 心都涼了一半。但礙於是照顧小朋友, 根本不能去探他。
昨天, 我打電話給媽媽問詳情, 知道原來大舅父在三個貨櫃咁高地方跌左落地, 現在仍昏迷, 頭部有瘀血。事發是星期日。醫生說最好就是 24小時內甦醒, 但已過了咁耐都未醒…
於是, 我又做起聯絡工作, 通知其他家人, 並略說情況。我大姐姐是一位資深護士, 一聽到後就從醫學角度去預測會怎樣發展, 對我地就可以咁講, 但千其唔好係媽咪面前講, 始終是自己阿哥, 就算知道情況唔樂觀, 都唔想聽到呢d野…唉, 希望大舅父會無事啦。
(0)