這個星期很多野做呀, 今日做到要關門先走, 明天又要繼續, 都不知幾時才做完呀…
天文台話可能晚一點會掛3號風球, 唔係麻, 真是放假才打風
如果真是打風, 我真係有d擔心, 因為同家姐搬左出來住, 都未試過打風, 落大雨就已經好似倒水咁, 一定要有咁快得咁快關窗, 否則…。 係呢間屋都未試過打風, 雖然話同家姐住, 但佢返shift, 打風都可能要返工 (高層係咁…), 咁同一個人住真無什麼分別, 我住第一個月時已澈底感受到, 反而佢有放早, 早了回來仲唔慣呢。
咁如果都是打風, 咁掂…有點擔心, 明天放工都係要到超市入定貨…
工作~~有些人很喜歡, 但我相信大部份人都不喜歡現時的工作, 為了生活, 工作是必須的。曾經都很投入工作, 盡自己本份做到最好, 但最近不知何解總是處於不在狀態, 不論是身體或是心理上, 好似唔知自己做什麼…有時為了責任, 都是迫自己完成, 但內心並不開心。
最近打風落雨都是在放假的時候, 真氣人啦! 如果天氣沒有這麼熱就好了, 最好是秋天, 因為冬天又令自己成日手凍腳凍, 仲穿到厚厚來避寒, 又真是辛苦呀…
今日天氣非常的悶熱, 一出街就好d雪糕離開雪柜一樣, 慢慢咁溶, 簡直有d想立刻跳入游泳池解熱…可惜是在街上是無可能發生的。
以前看完醫生, 通常心情都不會太好, 可能是每年總有2次提醒你是一個有病的人, 而且好怕d醫生成日叫我做什麼什麼測試, 什麼什麼鏡等等, 記得有一次 (是預科期間), 覆完診, 要去拿藥, 不知怎的流下眼淚, 剛好被一位以前學校職員看到, 問我有什麼事, 我自己都唔知, 掂答你, 就是但作一d野出來…, 都好多年的事了…而現在, 都冇這種感覺, 一來是透徹地習慣覆診, 二來是我沒有其他野可做了, 都是keep住情況之麻, 因此就比較輕鬆, 今日仲俾個醫生仔讚私態度正確, 老實說, 可以不吃止痛藥就最好不吃啦, 吃得多, 身體習慣了, 慢慢就失效, 要用強勁一些的藥, 咁落去, 是治標不治本, 反正我無得治本, 都是忍一忍啦…成金啦…
放左個長假, 返左兩日工, 都係無尼精神, 不知何解, 可能太耐無放假, 個人仲係放緊假掛。
明天又要請假, 是去看醫生, 雖然一年只是覆兩次診, 但總覺好浪費我的時間, 反正什麼也不能做, 又沒有特別變化, 為什麼一定要我半年覆診一次呢? 現在人大左, 當然會準時返去, 以前細個, 又唔想俾人知道自己有病, 於是常扮忘記去覆診, 然後再約個期, 咁就可以推遲, 不過都是治標不治本, 唉…我試過成年都冇返去, 俾個醫生話到我連頭都唔敢抬起, 於是就有拖無欠, 但現在不會了, 反正要去, 不知去面對現實啦。
近排興反一d 80年代的歌手及樂隊, 感覺好懷念架, 雖然個段時間就是我發現有病要做手術之時, 都仲記得自己在病床上(由於做完大手術, 要長期訓床), 聽到Beyond唱喜歡你, 有一段時間不喜歡這首歌, 因為會令我想起在醫院的黑暗時代, 但現在反而很喜歡這首歌, 不知何解。
而家聽緊Blue Jeans 的人生酒庫, 是我當時很愛的一首歌, 而家聽都仲係好鬼好聽呀!!
可能昨天睡得多, 晚上看完花燈會太興奮, 遲遲未能入睡, 搞到今日下午打蓋睡, 不知有沒有人發覺呢?
怏d到星期四啦, 因為可以放假…
晚上要上門訓呀, 成10點多才放學架, 俾心機啦!!
今天是中秋節的補假, 真好, 可以真正休息了。
今天九黠多就起床了, 之後打掃屋企, 見有太陽, 就開機洗衣, 換埋床單枕頭套, 昨天又抹窗台, 成間屋乾淨了不少。早餐只吃了昨天街市買的青提, 都okay喎。
今早已練過flute, 練完, 手指有點痛, 其實痛了3個星期, 一直唔去看醫生, 是怕他要我暫停練琴或flute就死, 因此寧願忍下痛, 佐成3個星期, 都仲痛, 真是要醫生了。
想起昨天的忙碌, 都有點心驚, 因為佈置比我預期所需時間長, 幸好其他團契早點來幫手, 我一會要看怎樣, 一邊爭取時間練個三角琴, 未試過咁唔專心, 下次不可承擔兩份差事, 否則會累死啊!
終於都完成所有任務了, 今次是第一次在婚禮上彈琴, 雖然不是很好, 但都沒有影響詩班員唱, 因為我是在過門有彈得不是太好, 總體來說已經比我想像好, 第一次, 當吸收經驗啦!
今天都一早起床, 因為崇拜要做司琴, 但真是沒有抽空練習, 有一些彈錯音, 不過沒法啦, 一連兩日咁樣彈, 又專練婚禮的歌, 都冇練過, 而且又累, 沒法子, 下次會好點。
明天放假, 一定要休息才可…
(0)