今日學完笛, 一早諗住出旺角買書, 其中一本是我看一個網上日記介紹的書 (否則我不會看這類書), 呢本書叫 “納尼亞傳奇” 在美國是非常受歡迎的一系列書, 並中是有宗教意思, 但我剛剛開始看, 暫時未看到。
另一本書, 是我上門訓時其中一個學員介紹, 但不知怎的在當時就是忘記了,
前幾天在 “三聯”看書時無意發現這本書, 又令我記起要看這本書, 書名是 “牧羊少年奇幻之旅” 書面是這樣介紹: 牧羊少年的故事不僅帶領讀者探尋生命寶藏, 也讓許多人找到自己”。很久都沒有看其他書種，今次一定會看完它們。
這幾天是基督教書展, 明天會去看一看, 但第一階段是影音及禮品, 要到下星期才是中、英文書籍。, 不知何解今年會這樣劃分, 咁我就要行多一次書展, 但作為讀者, 當然是希望一次過看晒自己想看的產品啦!
很喜歡 “抱擁這分鐘” 劇中女主角對著丈夫說要寬恕 (原諒他媽媽), 就是將所有仇恨埋在心的一角, 女主角都曾有任性過去, 若不是家人的寬恕, 她今天就不知會變成什麼。其實我麵覺得很對, 因為自己知自己弱點, 怎能將仇恨完全忘記! 只是將宅放在心裡最不重要的地方, 不要整天記掛這些事。若果沒有寬恕, 上帝不會原諒我地, 是衪教我地要學習寬恕, 去愛一d我地唔喜歡的人。在人與人之間, 沒想到寬恕, 世上是沒有愛, 只有有仇恨、眼淚。
昨天上最後一課門訓, 經上記著說 “神必會擦去我們一切眼淚” , 很感動呀! 有時我地為了儀容, 會強忍眼水, 或是其他原因, 未能將心裡的不快哭出來。其實, 自己內心還在流眼, 於是將這些感覺埋下去, 沒有好好處理, 令自己終日不開心…人一生都只是得七、八十歲命, 應該好好生活呢, 有時回頭一看, 原來之前很執著的一些事, 原來都可能輕鬆一d去面對。
呢排自己情緒不穩定, 最大原因是工作壓力及workload太多了, 首先同事相繼辭職(今年走了4個), 我身兼reception, d人一按門鈴, 我要立即聽及開門, 一放下電話要馬上半跑出去, 否則d快遞會快過你入到公司又會俾老細話。 又要搶隔離再隔離同事電話聽 (佢不在位或接緊線, 就會飛去隔離無人地帶), 唔聽會俾人責備, 唉, 十隻手十隻腳咩! 最重要是我地剛update左公司website, 老細當然想將全公司有做過的產品post晒上website到, 但d資料是我地update上去, 要知道website是引起人地對你公司興趣, 不是叫你晒馬, 做都我地各同事…不要說人,自己都做到好’紋’, 一時又話分類有問題, 一時又話太多資料未update, 我地唔駛做自己工作, 每天email咁多, d客又麻煩, 又要同fty對野, 真是做到很冇mood…, 很煩, 呢兩日都要點香薰油減壓。
明天有位同事last day, 自己要上門訓, 不能出席晚上的farewell, 在此祝唸位同事離開公司每天都過得開開心心!
今天在公司廁所居然自己用個頭撞度門, 痛到唔識出聲, 很怕自己之後會頭痛, 於是拚命按受傷地方, 而現在…是有一片紅腫在額頭右邊, 唉, 真是頭頭碰著黑…
今日晚上學完琴, 回到家都已經9黠幾, 都仲未吃晚餐, 幸好每星期都是這日咁夜都未吃飯, 否則我一家有嚴重胃痛。
一邊吃著辛辣麵 (前幾年的至愛), 又不想看電視, 於是就看朋友給我的vcd, 戲名就是’抱擁這分鐘’, 其實這套戲在四月上影時已在戲院看過一次, 今次再看, 是因此被劇情吸引。一路看都okay, 但當女主角發現自己有病時那些感人場面, 令到我要抱著盒裝tissue, 若不趕緊抹去淚水, 就會看不到畫面。看到終結, 當然雖是美好結局, 回頭看台面, 原本都用了不知多少張tissue, 都有d想笑。在戲劇看時, 我都差不多用晒一包tissue, 不過我都慣, 睇呢類感人戲, 我實會很感動, 最重要是有足夠tissue就okay啦!
我家多左兩位新成員呀!
首先是小笨, 掂解要改佢個名叫小笨, 因為佢體形不小, 個樣很笨, 好似俾人撻落地咁, 於是改佢做小笨。為何有個小字行頭? 因為佢老大是叫小白 (白色貓)。小笨是我家姐送的生日禮物, 但一早是講左送Hello Kitty,不知何解會變左小笨…
另外, 又多了一個熊bear bear, 是自己買俾自己, 行街見到, 一抱之下便愛上它了, 它一身軟綿綿, 如果是再大一點就好了。
昨天出去旺角吃飯, 乘巴士出去, 沿途發現道路兩邊都有很大改變, 例如右邊多了一間小學, 左邊開了一間商場等等, 我家姐就說 “你平時乘地鐵, 在山洞裡仲多過見街, 當然唔知地面有什麼改變。” 這個又對, 但我平時返工乘車, 都不會出到旺角…咁都沒有太大關係喎…不過, 我都幾似大鄉里出省城, 因為有時一d常去的地方如TST, 佐敦等等, 都要諗下邊個出口, 左轉定右轉, 所以, 我自覺自己一定考唔到車牌, 就算好彩考到, 都一定令車禍數字上升…, 都係俾多d時間練琴同留好過。
明天, 我的鋼琴miss邀請我去文化中心一個免費管風琴表演, 雖然只有半小時, 但因為是免費, 不知會不會多人, 於是我地就先到先排隊, 我都是第一次看管風琴表演, 平昤都是鋼琴啦, 管弦樂隊等等, 不過, 近年都很少聽鋼琴演奏, 一來無時間, 二來唔會有人陪我去, 佢地會悶呢…
明天…一定準時放工走人。
(0)