唔知幾時開始, 公司開始左每隔一段時間就要大掃除, 而今日正是2006年的第一次, 時間係由下午三時至晚上七時, 呢個時間係老細他們找什麼師傅定的…
下午三時, 一聲號令, 每人派一個垃圾膠袋, 而後就開始收拾自己多餘/冇用的東西…其實自去年大裝修大清一次後, 我已經很清楚明白留太多樣辦在自己位是沒有太多好處, 於是我就一路keep住個勢, 唔俾自己整得太亂, 加上位置有限, 想放多一點都有困難, 所以今天我很快就搞掂, 而其他同事…可以用淪陷形容, 平時收收埋埋, 原個咁鬼多野…收拾完又不是太攰, 因為全程坐係自己位清野。
因為大掃除, 所以遲左一點回媽咪家吃飯, 休息一陣就回家, 一路上肚子不舒服, 咁當然不太理會啦, 回到家, 開始痛到腳軟, 感覺條腸係度震, 唔痛時可能會覺得好得意, 但係痛就唔係咁講…痛到我想死…乜都做唔到, 而家開始攰喇…都係訓下先…
係網絡上, 很千其百怪…唔信…我親身經歷來的…一時被人尊稱做老師…但另一方面, 又會做左疑犯 (a, 唔係逃稅, 係逃糖0者, 真正的我是一個奉公守法的一等好市民來的, 唔好誤會
), 真係激到有氣冇”訂”抖…唉…開始有d人格分裂喇…
好, 講返d正經野先…自買左相機 (係屬於自己的), 都會放係袋裡, 係街上見到得意野, 我都會拍幾張相片…雖然自己係唔識攝影, 但現在的高科技令到我這個 ” 機” 盲都算影得okay…哈! 以下幾張相, 估下係邊度, 係香港來的, 不是外國 (雖然個feel好似, 哈哈), 但估中既獎品係…小白飛吻一個, 非常難得架
我的姐姐很乖, 趁放假就去買回一支小白玩具 (即是之前玩到爛晒的一款), 由於小白唔係好玩, 令到我不敢掉了舊的一支。
剛才, 牠鬼殺咁嘈, 於是一邊上網一邊同佢玩, 玩下玩下, 佢愈來愈精神, 仲不時做出一d跳躍動作 (實情係我好耐冇見佢咁大運動量), 當然, 我不會拍到牠的動作, 等我另一隻手得閒時啦…3分鐘後, 我就愈來愈累 (尤其是背部…可以坐姿不正確), 一個冷不防, 牠的利爪就爪到的的手…, 以前都試得多…真俾佢激死, 好在不是整到手指, 否則…哼!!! 都幾痛架, 仲見住佢留…我的手其實都好多傷痕, 多一條都冇所謂…不過係冬天整到, 好痛架麻…你個小白…
很痛呢, 馬上找膠布貼
a, 看到標題, 千其不要誤會, 係就係註左冊, 不過新娘不是我…是我外婆, 咁, 新郎一定是我外公啦。
剛才整理相片, 發現了這批相, 想起當日情景…很想笑, 但亦很感人。話說我外公外婆年紀加起來都有一百六十多歲, 而家才補辦註冊, 是因為要申請一些東西, 但又要證明他們是夫婦, 這時才知道他們沒有任何證明文件證明…我媽想了很久, 才去辦註冊事宜 (因為要辦一些手續, 感麻煩), 最後排了舊年四月份去註冊, 仲要我地去觀禮, 呢d咁開心的事, 請假去都要喇。程序中要他們各自宣誓…由於不識字, 要那個年輕的主婚人講一句, 佢地就跟住講一句…當佢地各自講到 “娶/嫁你時, 佢地都忍唔住笑…很好笑。
睇下呢d相, 佢地唔笑, 係表示佢地含蓄…但其實他們一齊已有60多年…都仲係一齊, 當中一定經歷好多風浪, 但而家都仍是一對, 很羨慕啊!
我阿婆幾靚
佢地手上的結婚証書唔知掂解會變左我keep, 好驚唔見…
今天早上, 我的老細送左一隻貓給我….但是死的~~即是死貓。如果真是我做錯, 我會承認, 但今次有證據顯示是他的錯, 他竟然將責任歸咎於我不提他…0下, 我已將要有的資料電郵給他, 咁即是掂??? 他還用了幾個電郵話我, 老實說, 我forward這些資料給他看, 不是指出他的錯處, 我只想你知道個決定是由你而來, 但他誤會我意思…心淡, 這是第一隻死貓。
第二隻死貓, 就是開會時, 他的妹妹又說已forward一些資料給我作比較, 仲話係兩個星期前, 但我一丁點兒印象都沒有, 但他們已confirm我是lose左她的email…開會後, 處理完工作後, 心有不甘, 我好少會miss左這些資料, 於是就在自己的email backup找尋, 但我找不到這個email…唉…話我lose左…? 我同同事講, 他們叫我email同她說…已說了, 希望真相大白, 若她真的有forward給我, 會有一個標記…這算不算是第二隻死貓?
在會議上, 他們二人已經成日擺我上台…連同事都有這個感覺, 喂…我唔係好恰架喎…
其實, 我比較少寫這一類題目, 但昨晚, 祈禱後想入睡, 不知何解, 我腦海裡突然出現她的的面孔, 還有和她一起讀書、住宿舍的片段…為何在這個時候想起她? 以致一雙很重的眼簾開始覺得輕了。
和她相識, 是在90年, 當我入讀這間學校時, 很不適應, 因此, 時常都不開心, 她就在我的身邊鼓勵我, 和我傾計, 花在我身上的時間很多, 而她亦是帶我信主…很衷心多謝她。
整個中學都是和她在一起, 有她在, 心裡覺得的安全, 可能她是大我一點點的關係吧。她的說話, 我很樂意接受, 就算是一些教訓都一樣…若是她有一個健康的身體, 她一定成為一個好好的領導者, 或許是老師也說不定。
自上了大學後, 和她不再是同學, 加上學業繁重, 開始很少聯絡, 直到知道她入院的消息…
在醫院探望她時, 只有我和她, 我亦趁這個機會向她道謝多年來的教導各樣等等, 當時見她比較瘦削, 但精神還好…可惜不久後就接到她妹妹的電話, 說她已經離開了…當時, 沒有太大激動, 很像不是真的, 但經過一連串的事務要處理後, 開始覺得這個是真的? 我明白自己當時拒絕接受這件事, 二十多歲, 前途理應一片光明, 為何會這樣??? 我知道其他人很關心我, 怕我受不住, 當時我是很理智, 因為, 我不想別人擔心。
這麼多年了, 其實很少去想這件事, 亦很擔心別人會提起, 尤其是中學同學。聖誕假期時, 和一位舊同學出來吃飯聚舊, 還看她的結婚相, 她不經意問: 「敏華唔係到有冇10年?」當然沒有, 只是7年, 今年踏入第8年了…
沒錯, 她的確是我中學時很要好同學, 好到是會放假到她家住…雖然之後各有各忙, 但我當她仍是知己…和她一起時間雖短, 但我很珍惜, 現在間中都會很想念她, 有時都忍不住眼紅紅 (現在都是, 不要被人發覺), 這些感覺, 這些片段, 我一定不會忘記 (就算真的忘記, 有我的日記本子呢, 因為我以前有寫日記的習慣)。
不經不覺已經兩點, 真的要睡了…
昨天, 應承了媽媽去屯門探大舅父, 上一次因為自己重感冒, 而且佢係ICU, 當然唔去好過去啦, 怕我身上的病菌傳染給舅父就大件事。到今次, 一定要去探望一下。
等媽媽放工入去, 要轉三次車才去到醫院, 第一次去屯門醫院, 較殘舊, 但都算整潔。而我今次去, 大舅父已經出左ICU, 而轉去腦外科…一個好熟識的名字, 令我想起一些唔想再記起既事…入到病房, 見到他, 頭髮被刮去一大片, 而鼻上還插著轉送營養的流質食物, 媽媽叫我叫聲他, 我連忙脫下口罩叫他, 其實我不知他能否認出我呢, 因為他頸部還架上一個承託器, 而且不知是這個東西令他不能說話, 還是別的原因? 見他的手腳有郁動, 都算放下心頭大石。雖然, 已知道他需要一段很長的時間才會復完, 而且不會是像未受傷之前一樣健康, 但希望佢早日康復, 亦都希望他的家人不要太擔心, 特別是我媽媽, 因為她很多時都會去探望他, 始終路程不近, 真怕她會很勞累呢!
我們離開醫院, 下輕鐵後步行去酒家吃晚飯, 一邊行, 我一邊忍唔住笑, 笑係因為睇到什麼是”三個女人一個墟”的情況。話說今晚有我、我媽媽、阿姨及另一位疏堂阿姨, 她們一邊行, 一邊討論一位親戚結婚的事宜, 聽她們討論內容真係好搞笑, 呢d都講餐包, 真利害, 但我行在她們後面, 突然覺得好有滿足感, 不知何解呢, 或許見到媽媽她們講得咁投入, 很融洽, 因此而覺得很開心? 還是其他呢? 現在, 我真的不知道了…
(0)