回憶總是美好的

期待很耐的日子很快就到, 就是星期六, 我相信彈完最後一首歌之後, 我的心就會如釋重負…之後仲要趕去學flute, 但這個星期忙都連練都無時間, 唯有明天早一點起床啦, 不過, 住我隔離的人家都是慘, 一會是琴聲, 一會是笛聲, 無日安寧呀…

我公司會每月都會搞生日會, 慶祝該月份生日的同事, 本應是高興的事, 但今個月份是我的生日, 買蛋糕是我, 叫外買又是我, 連setup都是我, 即是說自己同自己做生日, 意義可在呢?  其實並不太介意這樣做, 但日期一改再改, 訂了蛋糕都因為要遷就日期要取消, 於是隨意買了兩個蛋, 但又因中秋節, 沒有兩磅可買, 只有一磅…..一切都是意料之外呀…

昨天放工, 因為要約準新娘子拿程序, 於是放遲了一陣。落到街, 天都黑了, 等過馬路時, 企左一陣, 才發現隔離的是自己以前的舊同事, 佢應該先望到我, 因為我向過那邊看車及天空, 但佢都唔認得我, 都我叫佢, 佢才放下電話。一齊過馬路, 佢好自然問我電話, 我都好自然俾佢, 但, 我咁多年都無轉過電話…

傾談之中, 原來佢就係我公司隔離條街工作, 最奇怪係, 原來佢現在工作的公司有一位周事, 是我地舊同事, 真的要說一句 “世界真細小”。怪不得有事放工, 好似見到佢, 但後來又諗, 不過咁巧合, 但就真是咁巧合。其實我都係回到家, 洗澡時才記起剛才碰見的舊同事, 畢竟是3年多前的事了…

2004-09-14

今日放工, 約了星期六婚禮的新娘子在地鐵站拿當日的程序, 順道傾下計, 唔講由至可, 一講開搞婚禮的事, 準新婚開始有點眼淚汪汪, 原本籌備婚禮真係可以咁赫人, 特別是女方, 因為女方要做的準備比男方多幾倍以上, 壓力又自然大點。見到佢咁辛苦, 我只是預備彈兩首詩歌, 真是小巫見一巫了, 我地但以理團友會做當日的布置, 希望當日順順利利。

2005-09-14

就快到中秋, 好開心呀!!! 因為有得放假, 要知道成個8月都冇假放, 好可憐

如果俾我放假, 我要訓耐一點才起床, 然後做一個豐富早餐俾自己, 因為平日返工都是是但咁吃。

吃完後, 同小白玩一陣 (是我的貓兒) 之後要練琴, 有充足精神練, 就不會打蓋睡了。起碼要練兩至三個鐘。

然後休息一, 差不多要吃午餐, 最好簡單一點就可以了, 或許弄個公仔麵吃。

吃完要休息一會, 看下VCD (假定無電視好看), 看一套自己想看好耐的電影。

看完, 如果不累, 就去街市買下鮮花放在家, 等家裏有生氣。

之後又要練下flute, 不過不可超過一個小時, 否則會好累及無氣。

最後弄一個簡單晚餐吃, 可一邊看下電視, 一邊吃。再夜d 就可以上網打下機, 寫下網上日記, search 一下得意野。

洗澡後, 就上床看書, 一會就關燈訓了。

但, 通常真的有假放, 都不會咁順利, 一個電話打來 “同我一起買東西…, 去看什麼什麼…, 咁就一日架啦…因此, 以上都是我的夢想…

2004-09-14

今日一早返到公司, 又見到大老闆行來行去, 佢唯一的職責是—睇下我地有冇準時返工, 做緊什麼等, 有時收到包裹, 又問是誰寄來等等。唉!

總之冇左隔離的同事, 我就要做埋reception 及接線生, 總之冇得坐定。

好想去旅行呀, 總之離開香港就邊度都得。

快d到中秋節啦, 一來可以有個 long weekend, 二來我已完成團友婚禮的司琴一職, 要休息下了, 不只身體疲累, 連心理上都冇安寧…

2004-09-13

今天是香港迪士尼開幕, 都真係幾大件事。記得當落實俾香港辦迪士尼時, 我還是讀緊HD Year 2, 而現在, 工作都已六年了, 去年亦已讀完個degree課程, 仲考埋5級鋼琴, 而且, 在教會亦任司琴事奉第二年; 還有個多月, 就讀完紅色門徒訓練課程 (為期是34個星期), 諗下諗下, 真係有d累了, 於是, 我決定完成門徒課程後, 要休息一下 (但我在7月份開始了學flute, 你地見到2張相, 就是我用緊的長笛了)。真的要調整一下, 因為身體都已話俾我知, 不要再操勞, 我就來頂不住了…