在網上看到一個關於自細學樂器的女子, 怎樣和她的樂器有感情, 有連繫等等。可能學鋼琴的人會比較少有這種感覺, 老實講, 我地通常都是用公家的琴 (不論是考試或表演), 因為無可能帶個琴出街。 我自己都覺得不同的琴, 彈出來都不同感覺, 教會琴比較莊嚴, 考試琴很陌生, 但就要克服這些問題。但有一點她說得很好的, 就是自己開心或不開心, 都會用自己所學的樂器表達出來, 即是說開心彈琴, 不開心也彈琴, 我覺得很好, 這樣, 才可培養不同表達方法, 不論是彈的力度, 就連感情都投入這首樂曲中。如果小白(我家的貓兒) 少一點脫毛又或是不飄到的的琴上, 就更加好了…
呢幾日都好俾心機練琴, 通常都要練兩個鐘, 有時都要三個鐘, 練琴到最後的十五分鐘, 就會彈自己鍾愛的歌曲, 如 “愛是不保留” 、”Canon in D”, 嘩, 好聽呀!
今日7點幾學完長笛, 心血來潮想去尖咀通x買琴譜, 於是便乘MTR, 唉, 我一落車, 就成個月堂已經擠滿人, 心想, 掂解一有節日, 個個都去尖咀? 人又多, 又封了一點出口(最慘是我平常去的出口都封埋, 即是說要繞道行。
一上到街, 原來D馬路都劃為行人專用區, 我都仲未知有什麼大節目。去尖咀通X, 第一次咁少人,都好, 可以看得舒服D。買完書, 都成8時半, 出到街, 幾條街都是人來人往, 好不熱鬧, 但我一人想快D乘車回家再練琴, 因明天是我做司琴, 仲要有首新詩歌, 在一個星期內, 我要練得熟, 否則到時會眾唱就可能夾不到, 而且我相信這首詩歌應該唔會起過一隻手的教友識唱, 因此以我返左咁耐, 都未唱過。行到佐敦, 都未見到有巴士站, 唯有乘MTR啦, 有點累, 路程又不短, 想有得坐。出奇地MTR好少人, 可以坐, 真開心! 明天我會努力, 將最好的獻俾上帝 (我鋼琴Miss說的, 不用擔心彈得不好, 盡力就okay), 這句說話對我有很大的幫忙, 我會記住的。
回頭想一想, 原本我學琴已經第 7年了, 真的不經不覺, 去年才考了 5級鋼琴, 本以為可以舒一口氣, 原來不是, 反而要多練習, 因為所彈的歌比以前多幾頁, 又長, 技巧又多, 幸好曲子都是好聽的, 最難忍受是一些練習曲, 主要是練習手指技巧, 因此曲子都是比較沉悶, 但又是必經的呀…
聽到我的兩個男外甥也去學鋼琴, 都好, 總好過成日打機。其中大哥哥 (Michael) 試過彈一首簡單曲子, 彈完後臉上一面笑容 (當然我有讚他彈得好啦), 令我想起我 7年前學琴時的光景, 因為以前的曲子對成人來說是比較易掌握, 現在的當然不同了。但亦鼓勵我再努力學下去, 是否考8級 ? 我不知道, 但我最清楚的是能夠很用心彈完一首曲子, 除了是對作曲人的一份致敬外, 亦是一種享受。
昨天是我的生日, 不過無有特別感覺, 可能過左很多次生日, 來來去去都是吃飯慶祝。人大了, 反而不愛吃蛋糕, 以前細過時好緊張有沒有生日蛋糕…
生日願望是…身體健康就夠, 我不要再多三個願望, 會諗爆頭架…
我時常都會高估自己能力 (是體能), 昨天, 朋友和我預祝生日後, 我便決定買一張椅, 因現在用的電腦椅太高了。於是, 挑選一張最平宜又合適的椅後, 我就一力拿回家, 其實路途不是太遠, 為了省錢, 我不願乘的士。一路行, 已經要左右手換, 終於到回到家, 真好…
回到家, 都不是完成任務, 還要展開最艱苦的…裝配, 我一向對呢方面很弱, 要的一邊看圖, 一邊裝, 真是有點困難, 大概用了半小時, 我就真的裝好, 但要試下。第一次坐椅會有咁擔心感覺…幸好, 張椅都沒有問題, 哈!
但今天, 天未亮時, 已隱隱感到雙肩痛, 而現在就更加痛, 有什麼辦法可快速減痛呀…
呢兩日都有d胃病, 而家就有d肚痛, 都唔知做什麼, 我已經吃野唔多, 冇理由會吃了不乾淨的東西, 不過冇胃口就真, 這幾天的晚餐, 我都是在家吃公仔麵加一隻蛋, 有時就加一、兩隻餃子, 不知是否太耐無看電視, 吃到一半就停手, 看完電視劇, d麵都都不好吃, 就倒了。我都覺得唔健康, 等我明天去阿媽度飲湯吃飯先。
有時工作得辛苦, 都想吃一d好野獎勵自己, 但對於吃, 我真的很不講究, 我寧願買一d實質的東西 (好似個Hello Kitty公仔), 起碼成日都可以看到…咁我係咪好實際呢?
這個星期很多野做呀, 今日做到要關門先走, 明天又要繼續, 都不知幾時才做完呀…
天文台話可能晚一點會掛3號風球, 唔係麻, 真是放假才打風
如果真是打風, 我真係有d擔心, 因為同家姐搬左出來住, 都未試過打風, 落大雨就已經好似倒水咁, 一定要有咁快得咁快關窗, 否則…。 係呢間屋都未試過打風, 雖然話同家姐住, 但佢返shift, 打風都可能要返工 (高層係咁…), 咁同一個人住真無什麼分別, 我住第一個月時已澈底感受到, 反而佢有放早, 早了回來仲唔慣呢。
咁如果都是打風, 咁掂…有點擔心, 明天放工都係要到超市入定貨…
(0)