回憶總是美好的

今早一起床, 好似有不對勁。洗頭才知什麼事 ~ 我頭暈, 因為洗洗下頭, 我個人會向了右傾, 就知道我是有d暈。而家係公司都你有d暈, 一陣放工要買d止暈藥吃。但我兩點幾要學笛, 今次吹完一家頭暈暈啦! 之後, 我仲約左朋友去吃Tea, 希望吃完不會暈啦!

雖然不能去迪士尼, 但就休閒左大半日。

首先更是睡耐一點, 點知自己唔生性, 係都要7點幾就醒了, 仲要係清醒到去雪柜拿罐頭俾小白吃, 然後仲去埋廁所, 上返床, 都仲要等成大半個鐘, 背痛才減少到我可以忍受到再訓, 都係訓多一個小時啦, 唔多, 因為好似比以前更痛呀

9點幾醒了後, 上下網, 就差不多11點幾, 要出門了。約了家姐們到朗豪坊行街, 我都係第2次去呢度。最終係一間coffee shop坐下飲咖啡, 吃件餅, 休休閒閒坐左很耐才真是行下朗豪坊d鋪頭。對於要用錢買飾物等, 我才不會花, 亦無心機去看, 只是和阿妹玩下捉迷藏咁等佢地出來。之後去買左一d化妝品, 女仔都係化少少裝會好d, 費時成日比人話面青口唇白。但間鋪的sales好似不大友善…

之後成4點, 就去小肥羊吃野, 但都唔肚餓, 都係要打包。聽家姐說, 這樣原來是我們小時候成日來的酒家位置, 但我一d都唔發覺, 真的改變很大, 雖說我在旺角住了約8年有多, 但我成日都會迷路。記憶中, 細過時有次不知行左去邊, 給警察叔叔帶上警車, 但掂樣回到家, 又唔係記得好清楚…

追巴士時回家時, 不慎連阿妹的Hello Kitty男朋友帶埋走, 哈哈, 不好意思, 有機會會俾返阿欣的。

唉, 本來明天有得去Disney Land, 怎料殺出個 “程咬金” 搞到請左假但就冇得去, 雖然唔似d小朋友咁失望, 但都有點不開心, 冇拿拿請左一日假, 仲要係明天有成3個同department同事請假, 實俾大老細話, 一於唔理, 當休息都好, 呢排咁辛苦, 原來11月是沒有公眾假放, 怪不得啦!

d人話大肚婆才會轉食野口味, 最近我都成日轉口味, 不過我冇大肚。近日很喜歡飲烏龍茶, 是每天都飲, 而且呢個星期仲要飲一大支庄 (900ML), 真貴呀…

我很喜歡飲這款的!

話咁快就12月了, 本來想在今年年尾做好多野都做唔到, 好似找更好工作、找個一間平宜一點的屋、找個男朋友仔…冇野做到…有時是太累了, 根本不想拿起報紙看、找屋有時要看時機, 又得花時間及體力呀, 找男朋友仔…唉…永遠是你喜歡人, 人地唔喜歡你, 你不喜歡人, 人地又偏要喜歡你, 又或者是timing唔夾…一年將盡, 回顧過去, 好似有好多遺憾, 但將這些成為新一年的推動力呀, 出年, 我希望三樣都做到!

12月啦!

仲諗住發奮多點練琴, 點知會練到手臂痛。呢d感覺, 通常係就快考試才會出現, 因為狂練考試歌及scales, 而現在, 又不是考試, 我每天都只是練左約2個鐘, 不算多, 之前練3個鐘都無咁痛, 莫非…是身體差左? 但我呢兩個星期真是很累, 星期日又不能遲起床…都是早點睡, 最好就係有人幫我按摩就好囉。前者就可以, 後者就想下好了。

自從完成整個門訓課程, 不用再上課, 基本上除了每星期一天學琴及學笛外, 其他時間就會用來練琴及練笛。當然, 練笛時間每天不會超過一個小時, 因為已經無晒氣啦, 所以. 練琴的時間就比較長, 我會覺得每天如果可以練到 3個小時就更好, 但現時我每天我只可練2個小時, 因為一個小時練笛, 練晒都差不多11時, 不可以再練, 如果我有間間音房間就好啦, 幾時練、練幾耐都不怕嘈到人…

雖然每天都很忙, 但我都會看天早上靈修及看宗教書籍, 現時看緊的是”使徙行傳析讀”, 是一本很好看的書, 不沈悶架!