回憶總是美好的

昨天, 有兩個替我公司整電腦的人來, 在我阿head間房傾左一陣, 然後就去server整野, 對於一個對電腦server不懂得的人來說, 當然不知他們做什麼, 但不久, 我就明白一切了。

我阿head竟然叫佢地set左個firewall落個server, 搞到我地好多website都唔入得, 首當其衝就是public email 既websites (i.e. yahoo, sina or hotmail…), 又開唔到MSN, ICQ & YM, 但佢地又可繼續用, 言下之意, 即是叫我地不可在公司check私人email, 玩icq, MSN or YM囉…! 我的天!!!

不過, 昨天佢地走後, 個internet及公司email就開始有一點問題。重災日子是今日, 因為當中有幾位同事(包括我在內), 公司email收發唔到, 上唔到網, 連公司個system都入唔到, 即是…唔駛做野, 幸好自己有個color print,否則真是坐左係到。到左下午成3點, 佢地先來整機, 整完都差不多4點…浪費時間呀, 最幣我要在2個小時內要做返一天工作…真有d激氣, 我阿head又係度扮唔知發生什麼事…唔…掂解會咁架…

昨晚, 叫家姐在月曆上寫定佢呢個星期返什麼 (因佢返shirt), 佢星期二及三放假, 仲講埋佢放假做什麼, 到佢講星期三時…我隻耳就丁一聲, 因為, 我上次冇得去迪士尼, 佢今次就可以去, 真有點妒忌。

其實我大家姐有問過我, 但我覺得上一次已無拿拿請左假但冇得去, 已經浪費我寶貴的一天假期, 如今再請, 我會感到不合適, 始終請假不是為了特別事, 而是去玩, 有像有點那個。算啦, 遲d去都唔會有咩問題0者。

今日去一個朋友新居, 原本都是開心的, 但我一不慎失言, 令其中一個朋友不開心, 事後我當然向她say sorry, 但她已是不高興, 之後再打電話來話了我兩、三句, 雖然心裡不是味兒, 但始終是自己先不對。日後, 我會更加小心說話, 免引起同類事情再發生。

本來, 今天是要學笛的, 但miss有事, 因此就改期, 我都冇所謂, 因為星期三才補堂, 呢兩日都沒有足夠時間去練, 去到吹得唔好就唔好啦!

但我都很乖咁去練笛, 練左成兩個鐘, 手都軟, 反而沒有唔夠氣, 莫非我氣量大左?

之後就聽很久之前買下的Play Fluet Today, 聽到我打蓋睡…, 坐係sofa訓, 都係幾舒服, 但就愈訓愈凍, 然後…就給一位舊同學的電話弄醒了, 本來打算求其吃個麵當晚餐, 但反正已醒了, 於是就去媽媽家吃飯, 吃完飯, 行左大概20分鐘路程回家, 其實係呢d唔太凍晚上行, 少少涼風吹過, 都幾舒服, 很少咁休閒…但明天要7點起床, 都係早點睡了。

今天回公司時, 係lift到撞到個昨天請假的同事, 同佢傾開, 就預先同佢講0個位員工已被辭, 等佢有d心理準備, 其實大家今天都好努力扮無野, 但大家心中有數, 另外就係會更忙, 因為不會再有人可以分擔到自己的工作, 唯有慢慢清…

好想打俾佢, 但又怕佢仲係唔開心, 又唔敢係公司打, 怕被人聽到你同佢仲有聯絡…唉…

今天帶著不愉快心情離開公司, 正前往miss度學琴, 落到月台, 等待列車時, 身旁有一把聲音叫我的名字~~原來是小蔡…你好, 真的很久沒見了, 難得我燙了頭髮, 她都一眼把我認出, 利害。

小蔡是我的預同學, 中七的一年更住埋同一個宿舍, 可想而知會幾好玩。我們4個人一間房, 除了小蔡外, 另一個同學就成為精神科姑娘, 而另一位就係7年前已過生了。和我學琴一樣長, 很困難去忘記, 有時記得以前的片段, 都會忍不住哭出來, 因為曾幾何時, 她是我最要好的朋友…始終和她相識都超過15年了…。不寫了, 再寫真怕哭出來…

真係唔識打個”飛知”兩個正確的字, 唉…

本來心情都唔係咁好 (請看上一篇), 又加上”飛知”嚴重, 又到星期尾, 好想唔返工, 亦好想大哭一場。其實平時屈埋屈埋, 一遇到一些不如意的事, 就好想哭啦…